Доаѓа сезона на сезонски грипови и настинки. Оваа сезона луѓето честопати тоа го поистоветуваат со COVID-19 и ги фаќа непотребна паника. Токму затоа епидемиологот Садија Кан направи дистинкција меѓу овие поими и на прост начин ни ги објаси разликите меѓу овие здравствени состојби.
Епидемиологот од универзитетот Нортвестерн, д-р Садија Кан ги истакна главните симптоми на COVID-19 и ја спореди болеста со сезонски вируси и алергии, истовремено истакнувајќи ја важноста од вакцинирање против грип оваа година.
- Вакцинацијата против грип не само што ќе ве заштити, туку ќе го зајакне вашиот имунолошки систем и ќе ги заштити другите од грип, како и од сериозни болести доколку истовремено имате и грип и COVID-19 , вели Кан, додавајќи дека вакцинацијата е исклучително важна за оние со ослабен имунолошки систем.
- Постојат многу симптоми на настинка, грип и КОВИД кои се преклопуваат, вклучувајќи треска, кивање, кашлање и замор, рече Кан.
Губењето на осетот за мирис и вкус е симптом кој се јавува само кај пациенти со COVID-19, така што може да помогне да се разликува од другите болести, но не се јавува кај сите пациенти. Sci Tech Daily наведува неколку симптоми според кои можете да препознаете дали имате алергија, настинка, грип или COVID-19.
Кан нагласува дека сезонските алергии не се заразни и не предизвикуваат треска. Покрај тоа, луѓето кои имаат алергии веројатно веќе се запознаени со симптомите, бидејќи тие се јавуваат секоја пролет или есен. Вообичаените симптоми вклучуваат:
- Растечен или затнат нос
- Кивање
- Чешање на грлото
- Чешање на очите
- Постназална дренажа
Настинката може да ја предизвикаат многу различни респираторни вируси. Некои од нив можат да бидат опасни за малите деца и да доведат до хоспитализација, но тие често предизвикуваат благи симптоми кај постари деца или возрасни кои траат околу два до три дена. За разлика од грипот и КОВИД, настинката е обично лесна болест, објаснува Кан. Заеднички симптоми на настинка се:
- Растечен или затнат нос
- Кивање
- Воспалено грло
- Кашлица
- Затнати синуси
- Постназална дренажа
Грипот е предизвикан од вирусот на грип, што може да предизвика лесно до тешко боледување, па дури и смрт, вели Кан. Чести симптоми на грип се:
- Висока температура
- Воспалено грло
- Кашлица
- Отежнато дишење или губење здив
- Слабост или болка во мускулите
- Замор
- Гадење, повраќање или дијареја
Болеста COVID-19 ја предизвикува новиот коронавирус SARS-CoV-2 и заразеното лице може да биде асимптоматски носител или може да развие тешка болест. Заштитните маски досега се покажаа како најефективна заштита од инфекцијата. Најчести симптоми на COVID-19 се:
- Висока температура
- Кашлица
- Отежнато дишење или губење здив
- Слабост или болка во мускулите
- Замор
- Гадење, повраќање или дијареја
- Губење на осетот за вкус и/или мирис
