Со развојот на вештачката интелигенција, се предвидува дека многу професии ќе бидат заборавени и дека роботи ќе ги преземат повеќето од професиите што луѓето сега ги работат.
Следните десет години следуваат најголемите промени во однос на работните места.
Промените ќе влијаат и на некои професии кои во моментот делуваат безбедни. Всушност, веќе се забележани некои тенденции во оваа насока во областа на финансиското советување, преводот и транспортот.
Пред само неколку години, од луѓето се бараше да наплаќаат за услуги, од аеродромите, преку железничките станици, супермаркетите, гаражите, до патарините на автопатите. Денеска, плаќањата се вршат со помош на уреди и паметни телефони.
– Покрај тоа, во следните десет години, возачите, преведувачите, новинарите, персоналот на услуги на клиентите, туристичките водичи, производствените линии и библиотекарите, сите ќе бидат заборавени како професии, велат од Меѓународното кинеско радио (ЦРИ).
Од друга страна, програмерите, архитектите, професионалците за односи со јавност, правници, судии, наставници, тренери, психијатри, како и професиите поврзани со менталното и физичкото здравје, ќе бидат изложени на помал ризик од исчезнување, пренесува Танјуг.
Во извештајот на Светскиот економски форум за иднината на работните места, одржан во септември, се сугерира дека 75 милиони работни места ќе исчезнат до 2022 година поради вештачка интелигенција.
Во исто време, се очекува да се создадат околу 133 милиони нови работни места, што е скоро двојно.
