Светските медиуми утрово ја објавија веста дека Кит Флинт, легендарниот фронтмен на бендот „Продиџи“ бил најден мртов во неговиот дом.
Флинт почина на 49 години, а причината за смртта е самоубиство, потврдија членовите на „Продиџи“ во објава на официјалниот профил на бендот на Instagram.
„Веста е точна, не ми се верува дека го кажувам ова, ама нашиот брат Кит се самоуби викендов. Шокиран сум, гневен, збунет и срцето ми е скршено… почивај во мир, брате. Лиам“, напиша Лиам Хаулет, основач на бендот.
