Легендата на „Битлси“, Сер Пол Макартни, изјави дека сака да прими вакцина против коронавирус, објави британски “Сан“, додавајќи дека тој е меѓу првите глобални суперѕвезди кои решија да се вакцинираат.
Макартни, кој е на 78-годишна возраст, е во третата група–луѓе над 75 години– со право на вакцинација. Музичарот верува дека вакцината ѝ нуди на Велика Британија излез од несреќата и мракот на ковид-пандемијата.
-Вакцината ќе не извлече од ова. Мислам дека ќе ја поминеме оваа здравствена криза, и вакцината е одлична вест . Ќе ја примам веднаш штом ќе ми дозволат, изјави Макартни претходно во интервју за „Сан“.
Велика Британија почна со вакцинирање против коронавирус на 8-ми декември. Први на ред беа лицата над 80 години. Вакцинирањето не е задолжително.
