Бразилскиот град Сао Паоло објави дека ги откажува карневалските прослави што треба да се одржат во февруари следната година поради пандемија на коронавирусот и дека ќе го одложи до крајот на мај или почетокот на јули.
„И училиштата со самба и карневалските организации сфаќаат дека е невозможно да се организира карневал следниот февруари“, рече градоначалникот на Сао Паоло, Бруно Ковас на прес-конференција.
Градските власти во моментов разгледуваат некои алтернативни датуми: може да биде крајот на мај или почетокот на јули 2021 година, но не и јуни, затоа што тогаш карневалот би се совпаднал со многу популарната прослава на Денот на Сан Хуан.
На 11 март, Светската здравствена организација објави епидемија на новиот коронавирус Ковид 19, за пандемија. Според најновите податоци, досега во светот се заразени над 15,79 милиони луѓе, од кои починале повеќе од 639 илјади.
