Јапонскиот премиер Јoшихиде Сука денеска рече дека Олимписките игри сигурно ќе се одржат ова лето во Токио и дека нема збор за ново одложување.
„Јапонија ќе стори сé за да ги направи Игрите целосно безбедни за сите што ќе дојдат во Токио и тие ќе претставуваат симбол на глобалната солидарност“, рече Сука.
Олимписките игри во Токио во 2020 година се одложени за една година, а нивниот почеток е планиран за 24 јули годинава. Во истражувањето на јапонските медиуми, повеќето Јапонци се против одржување на Игрите во 2021 година и сметаат дека треба повторно да се одложат или откажат.
Поради доцнењето и коронавирусот, Олимписките игри во Токио ќе станат најскапите летни игри во историјата, бидејќи трошоците пораснаа за 2,8 милијарди долари, на вкупно 13 милијарди долари.
