Двајцата германски овчари кои им припаѓаат на американскиот претседател Џо Бајден и првата дама Џил Бајден биле вратени во семејната куќа на Бајден во Делавер минатата недела поради агресивно однесување во Белата куќа, изјавија два извори за Си-Ен-Ен.
Мајор, кого Бајден го посвои во ноември 2018 година од засолниште за животни, имаше еден „инцидент“ со член на безбедноста на Белата куќа, рече извор на Си-Ен-Ен.
Имено, Мајор гризнал член на обезбедувањето, а точната состојба на лицето не е позната. Сепак, се шпекулира дека состојбата е доволно сериозна бидејќи кучињата се преселени во Делавер, каде и ќе останат.
Мајор кој има три години познат е по тоа што има тенденција скока врз вработените во безбедноста на Белата куќа. Од друга страна, постариот германски овчар на Бајден има 13 години и е бавен поради неговата возраст.
