Непосредно пред вчерашниот натпревар на Црвена звезда и Пролетер на кој „црвено-белите“ го прославија освојувањето на 31. шампионска титула имало крвава пресметка. Според РТВ БН, едно лице е повредено во Брчко на патот кон Бјелина кога од автоматска пушка било пукано на навивачи кои оделе на натпреварот во Белград. Според телевизијата на навивачите е пукано од возило во движење, а по пронајдените чаури било утврдено дека станува збор за автоматска пушка.
Наводно во возилото над кое е извршен нападот биле навивачи на Црвена звезда од Приједор кои оделе за Белград на прослава на 31. шампионска титула на нивниот тим. Според непотврдени извори, нападот е извршен со две автоматски пушки но засега нема детали кој стои зад нападот“, објави РТВ БН.
