И кај жените и кај мажите кои прележале Kовид-19 драстично се намалени можностите за зачнување, покажуваат прелиминарните резултати на истражувањето на прим. д-р Драгана Бојовиќ Јовиќ од Клиниката за гинекологија „Народен фронт“ во Србија на тема „Присуството на „SARS-CoV2“ во репродуктивниот материјал во периодот на опоравување“, спроведено помеѓу испитаници кои прележале Ковид-19, а се во репродуктивна доба.
Кај 10 од 30 пациентки нарушувањата во менструалниот циклус се драстични, што зачнувањето е практично невозможно, а дури и да успеат, брзо би следел спонтан абортуст. Значи, третина од жените имаат проблем со стерилитетот после коронавирусот – вели докторката за „Курир.ср“.
Таа следела 30 жени и 15 мажи од 18 до 45 година, од периодот на опоравување до целосно оздравување.
Кај мажите, доктор Бојовиќ Јовиќ забележала полоши резултати. Додека кај жените, корона вирусот делува негативно на репродукцијтат преку намалениот кислород, кај мажите вирусот навлегува и во тестисите.
Само 1 од 15 испитаници имал добар резултат на спермограмот, додека останатите во моментов не би можеле да оплодат.
Сепак, докторката смета дека ова нема да се трајни состојби, туку дека со подобрувањето на сатурацијата, како и враќањето на целокупниот респираторен капацитет, со време би требало да се поправат и хормоните. Таа ќе продолжи да ги следи и испитаниците и понатаму, по што ќе го заокружи истражувањето.
