Поради ограничувачките мерки за спречување на пандемијата од корона вирусот, скокна цената на наркотиците на светско ниво. Ова се вели во извештајот на Службата на ООН за контрола на наркотиците и криминалот.
На цената на наркотиците директно влијаат затворените граници и нивната зголемена контрола, ограничувањето на движењето на луѓето и откажаните авионски летови на светско ниво.
Пандемијата има мешан ефект врз производството на наркотици во различни региони и на нивниот транспорт по копно, воздух и вода, но тенденциите се идентични во различни држави и региони во светот.
Поради зголемувањето на цените и падот на чистотата на наркотичните средства многу од луѓето, кои ги користеле, ги менуваат супстанците и, на пример, од хероин преминуваат на синтетички дроги или, пак, бараат лекување.
Засега не е засегнато само производството на канабис, што се произведува во реони каде што и се пласира.
