Коби Брајант од активното играње кошарка се прости во 2016 година. Како што пренесуваат американските медиуми, Коби Брајант во 2020 година постхумно ќе биде примен во Куќата на Славните.
– Ова без сомнение се очекува да биде најубавата класа досега, со Коби, Тим Данкан и Кевин Гарнет. На Коби ќе му одадеме почести како што доликува, изјави шефот на Куќата на славните, Џери Коланџело.
Коби Брајант 20 години играше за Лос Анџелес Лејкерс, а во НБА лигата пристигна во 1996 година кога од 13-тата позиција го избраа Шарлот Хорнетс и во замена за Владе Дивац го трампаа во Лос Анџелес.
Генерален менаџер на Лејкерси тогаш беше Џери Вест, еден од менторите на Коби Брајант.
