Времето денеска претпладне ќе биде променливо облачно со локални врнежи кои ќе бидат претежно од снег со послаб интензитет. Попладне облачноста ќе се намалува. Ќе дува умерен, долж Повардарието засилен северозападен ветер.
Минималната температура се дижи во интервал од минус два до четири степени Целзиусови, а максималната ќе биде од два до 12 степени Целзиусови.
Следните три дена времето ќе биде сончево со умерена облачност и со слаб до умерен западен ветер. Минималната температура ќе се движи од минус седум до три степени Целзиусови, а максималната од осум до 14 степени Целзиусови.
