Актерката Џејми Ли Кертис се присети на тоа како легендарниот актер Кирк Даглас, кој неодамна почина, своевремено и го спасил животот.
Кертис во објава на Инстаграм напиша дека кога била помала завршила со својот трицикл во базен на една забава.
Даглас веднаш скокнал во вода и ја извлекол од дното на базенот, додека таа се уште ги движела тркалата, пренесува „Си-Ен-Ен“.
Кирк е пример за сите нас. Храброст, интегритет, великодушнос, напиша Џејми Ли Кертис.
Таа додаде дека Кирк и неговата сопруга Ана биле семејни пријатели на нејзините родители Тони и Џенет, па потсети и дека сите заедно играле во филмот „Викинг“ од 1958 година.
Кертис напиша и дека одела на училиште заедно со синот на Кирк, Ерик, кој почина уште во 2004 година.
