Рио де Жанеиро и Ница ги откажаа карневалите годинава поради пандемија на корона вирус, а карневалот во Венеција, кој започна во саботата, се одржува само преку Интернет.
Познатиот карневал во Венеција оваа година се одржува само на екраните, во две 90-минутни програми, во сабота и недела од 17 часот.
Поголемиот дел од програмата во живо се одвива во палатата Вендрамин-Калерги на Големиот канал, дом на казиното и музејот на композиторот Ричард Вагнер, кој престојувал таму.
Вториот дел на интернет-изданието на Карневалот ќе започне на 11-ти и ќе трае до 16-ти февруари.
– Оваа година нема фестивалска атмосфера во градот, а во сабота времето беше и магливо, пренесува агенцијата ДПА.
Италија е една од европските земји најпогодена од коронавирус, а од почетокот на пандемијата има повеќе од 2,6 милиони заразени и 90 илјади смртни случаи.
Во сила е полициски час низ цела Италија, со почеток во 22 часот. Во многу градови, вклучително и во Венеција, кафулињата и рестораните можат да ги опслужуваат гостите само до 18 часот, пишува ДПА.
