Марката за спортска опрема „Капа“ направи промена на своето лого поради пандемијата на корона вирусот. Новото лого на италијанскиот бренд се уште ги содржи препознатливите машка и женска фигура, но наместо да се заедно и да се допираат на грбот, тие две фигури се разделени една од друга.
Ваквата кампања е дел од солидарна иницијатива за поддршка на најзасегнатите од здравствената криза и половина од средствата добиени со продажба на парчињата опрема со новото лого ќе бидат наменети за набавување самитетски материјал за болниците и здруженијата на граѓани на коишто им е најнеопходна помош.
Во рамки на кампањата, „Капа“ пушти во продажба два вида на маици, едната е бела, а другата црна, но и за двете е карактеристичлно тоа што се гледа само половина од логото. На белата верзија се забележува само седнатата женска фигура, додека на црната ја има само машката половина.
Со ова ново лого, „Капа“ сака да ја истакне важноста од социјалното дистанцирање, коешто може да спаси голем број животи.
