Вкупно 20 филмски фестивали одлучија да ги здружат силите за да создадат глобален онлајн филмски настан.
Десеттодневната онлајн бесплатната манифестација на „Јутјуб“ ќе вклучува проекции на играни и кратки филмови, документарни филмови, како и концерти, настап на комичари и разговори. Целосниот распоред ќе знае како што ќе се наближува фестивалот.
Идејата зад овој проект е тоа што многу од фестивалите мораа да ги поместат или откажат своите програми поради пандемијата на корона вирусот.
Освен трите најголеми европски фестивали, Кан, Венеција и Берлин, во акцијата се приклучија и филмските фестивали од Лондон, Торонто, Ерусалим, Мумбаи и Маракеш, како и „Санденс“ и „Трибека“.
Фестивалот ќе биде отворен на 29 мај, на „YouTube.com/WeAreOne“, а во текот на програмата ќе бидат прикажани филмови од 20 светски филмски фестивали.
Глобалниот Филмски фестивал „Ние сме едно: Глобален филмски фестивал“ (We Are One: A Global Film Festival), ќе им овозможи на гледачите не само да запознаат различни култури од нова перспектива, туку и со директни донации да им помогнат на локалните заедници низ целиот свет погодени од пандемијата на корона вирусот.
