Натпреварот меѓу Њу Орлеанс пеликанс и Индијана пејсерс ќе остане запишан во историјата на НБА лигата, откако во него учествуваа тројца браќа.
За „пеликаните“ настапи Џру Холидеј, додека за Индијана играа неговите двајца браќа Џастин и Арон Холидеј. На крајот славеше Њу Орлеанс со резултат 120-98, а по мечот тројцата разменија дресови.
– Беше одлично. Успеав да ги победам и ги добив нивните дресови, кои ќе ги закачам да висат дома. Целото семејство и пријатели беа тука, така што беше навистина убаво – Џру.
Тој има 29 години додека Џастин има 30, а Арон 23, а тие тројца имаат и сестра, Лорен, која посочи дека на трибините имало околу 30 роднини за време на натпреварот.
Лука Дончиќ со трипл-дабл си поигра со Голден Стејт
Словенечкиот кошаркарски феномен Лука Дончиќ имаше уште една блескава претстава во победата на неговиот Далас мавериокс против Голден Стејт вориорс со 141-121. Дончиќ беше незапирлив за противничките кошаркари, со коишто на моменти си поигруваше на теренот.
На крајот, Словенецот го заврши мечот со 31 поен, 15 асистенции и 12 скокови и тоа за само 30 минути игра.
Други резултати:
Денвер – Мемфис 119: 110
Бостон – Торонто 97: 113
Мајами – Филаделфија 117:116 (прод.)
Вашингтон – Њујорк 100: 107
Чикаго – Атланта 116: 81
Хјустон – Бруклин 108: 98
Милвоки – Орландо 111: 100
Сан Антонио – Детроит 136: 109
Сакраменто – Феникс 110: 112
Л.А. Клиперс – Јута 107: 120
