Во пресрет на утрешниот празник во САД, Денот на благодарноста, во повеќе градови и населени места низ Америка се организира бесплатно раздавање мисирки. Печена мисирка е главниот елемент од празничната трпеза на Денот на благодарноста, најзначаен семеен празник во САД.
Во повеќе градови и држави, на настани организирани од локални фирми или невладини организации за помош на сиромашните, илјадници социјално загрозени Американци чекаат на ред да добијат бесплатен „танксгивинг мил“ (оброк за Денот на благодарноста), вклучително и мисирка.
Така на пример, досега, над 30.000 бесплатни мисирки се раздадени во Тексас, над 5.000 во Њујорк сити. Редови за чекање да се добие мисирка се создаваат и во Вирџинија бич, Вирџинија, Сент Луис, Мисури или Орладно, Флорида, каде деновиве беа раздадени илјадници вакви птици.
Очигледно, годинава бројот на бесплатни оброци за Денот на благодарноста е многу поголем, со многу загрозени семејства поради актуелната криза со коронавирусот во земјата.
Поврзани вести
Американците кои ги примиле потребните дози вакцина ќе може да престојуваат во затворен простор без маски и физичко растојание
Во Америка масовно се дистрибуира „Џонсон и Џонсон“: Што треба да знаете за оваа вакцина?
