Вардар од Келн се враќа денеска во 18.50 часот, а со нив во делегацијата ќе бидат и двајцата српски коментатори на Арена, Сретен Рашковиќ и Стеван Стевановиќ.
Навивачите веќе се организираат да ги пречекаат на Меѓународен аеродром -Скопје.
Двајцата српски коментатори ја стекнаа симпатијата на македонската јавност, пред сѐ поради професионалното коментирање, но и радоста што не ја криеа по победата на Вардар.
Ниту една македонска национална телевизија не ги пренесуваше ракометните натпревари од Лига на шампиони.
Јавниот сервис МРТ е под силна критика заради одлуката да не ги откупи ТВ правата , со што нанесоа голема штета и на македонскиот спорт, и на јавноста поради неможноста клучните натпревари да ги видат сите со коментар на македонски јазик.
