Сите тениски натпревари кои се планирани за утре (четврток) на терените во Мелбурн се откажани. Еден хотелски работник бил позитивен на коронавирус па меѓу 500 и 600 тенисери и тенисерки, службени лица и работници поврзани со Австралија опен ќе мора да одат во самоизолација и на ново тестирање на Ковид-19.
– Ова е еден случај и нема потреба луѓето да паничат или да бидат вознемирени. Покажавме дека сме успешна држава во контролирање на ваквите ситуации, изјави претседателот на австралиската држава Викторија, Даниел Ендрјуз.
Хотелскиот работник бил заразен со британскиот сој на коронавирусот, па од превентивни мерки меѓу 500 и 600 лица се во изолација и ќе бидат повторно тестирани. Тенисерите и тенисерките кои ќе бидат негативни ќе продолжат со турнирот.
