На магистралниот пат Струга – граничен премин Ќафасан, на потегот од бензиската пумпа на Окта до село Франгово, ЈП „Македонија пат“ во наредните четири денови ќе изведува работи на пат.
Како што информираат од АМСМ, на местото ќе биде поставена соодветна сигнализација.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.
АМСМ препорачува прилагодена брзина на движење, почитување на поставената сообраќајна сигнализација и исклучително внимателно управување со возилата, особено на патиштата низ клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
FacebookTwitterCopy Link
