Директорот на aмериканскиот Национален институт за алергии и инфективни болести, Ентони Фаучи, денеска изјави дека работи 18 часа на ден, седум дена во неделата.
-Немам ниту еден слободен ден од средината на јануари годинава, изјави Фаучи за Си-ен-ен.
Фаучи денес го слави својот 80-ти роденден, но вели дека ќе ја прекине традицијата и дека нема да го помине со неговите три ќерки.
-Дефинитивно се чувствувам тажно, рече Фаучи.
Тој потенцираше дека ова е првпат да го пројде неговиот роденден без неговите ќерки.
-Ова е прв Божиќ и роденден што нема да ги поминам со моите ќерки откако се родени, изјави тој.
