Најголема снежна покривка до седум часот утринава е измерена во Маврови Анови, вкупно 19 сантиметри, следи Дебар со 12 сантиметри, потоа Пожаране со 12, Штип девет, Лазарополе осум и така натаму, информираат од УХМР.
Истовремено, најниска температура денеска од минус девет степени Целзиусови е измерена во Маврово, по што следат Крушево и Дебар со по минус седум и Лазарополе минус шест степени Целзиусови.
Во изминатите 24 часа до седум часот најголем воден талог е измерен во Лазарополе, Скопје Зајчев Рид, Прилеп и Битола.
Во тек на денешниот ден времето ќе биде облачно и не многу студено со повремени врнежи претежно од снег. Дневните температури во Скопје, се очекуваат до два степена Целзиусови.
