Ниту ден по болниот пораз на Хрватска од Германија во рамки од Светското ракометно првенство, Лино Червар не го менува своето мислење за дуелот во Келн.
Искусниот стратег и синоќа и денес тврди дека Хрватска е длабоко оштетена и неправедно е поразена од домаќинот (22-21), по што „коцкесите“ доживеаја елиминација и останаа без шанси за полуфинале.
-Украдени сме! Одлуките на судиите беа неверојатни. И Германците го признаа тоа. Не можев да спијам, не само јас туку и играчите. Минавме низ тешки моменти. Останавме без клучни ракометари, па дојде поразот од Бразил, а на крај да загубиме на ваков неспортски начин од Германија. Ова не е првпат Хрватска да биде вака оштетена на едно големо натпреварување. Досега ни се одземени три златни медали (во финалето на ЕП 2008, на СП во Хрватска во 2009 и на ЕП во Австрија 2010)- во еден здив изјави Червар.
„Коцкестите“ денес имаат слободен ден, а утре го играат последниот натпревар од главната фаза против светскиот шампион Франција
