Дваесет и две годишна девојка од Бугарија целосно го промени својот изглед откако направи 17 естетски операции.
Андреа Иванова изјави дека ги направила операциите затоа што од мали нозе сакала да изгледа како нејзиниот идол, куклата Барби и да ги има најголемите усни на светот. Според нејзините зборови, таа е цврсто одлучна да ја постигне својата цел.
Андреа во усните примила 15 инјекции со хијалуронска киселина и ветила дека ќе продолжи со третманите. Потоа примила уште две инјекции.
Нејзините усни сега се трипати поголеми отколку што и биле, наведува „Тудеј Онлајн“, а за тој „подвиг“ потрошила 2.500 долари, Според пишувањето на локалните медиуми, Андреа планира да ги „полни“ своите усни секојпат кога тие ќе почнат да се смалуваат.
Андреа вели дека има голема поддршка од своите фанови на Инстаграм и дека има обожаватели од Блискиот Исток, Аргентина, Австралија …
– Сега усните ми се допаѓаат многу повеќе отколку порано. Се чувствувам одлично и среќна сум со нив – вели Андреа.
Таа смета дека е единствена на светот и тврди дека не копирала ниту една позната личност, како и дека се уште постои конкуренција што треба да ја победи за да ја заслужи титулата жена со најголеми усни.
