Поранешен работник од фабриката Мерцедес во Виторија, Шпанија, украл багер од градилиште и се упатил кон неговата поранешна компанија, оддалечена околу 20 километри.
Откако ја пробил оградата, со багерот тргнал кон туку што произведени комбиња Мерцедес кои биле паркирани во кругот на фабриката.
Резултатот е над 50 сериозно оштетени примероци на моделите „Вито“ и „В-Класа“, кои се произведуваат во оваа шпанска фабрика, и штетата, која во моментов се проценува на повеќе од 2 милиони евра.
Mercedes-Benz has fired #Basque worker from work in Vitoria-Gasteiz in the last day of the year 2020 and he has wrecked 50 vans. #NeoLiberalism #CorporateEmpire #angryworker #solidarity #Proletarianism #WorkerClass #langileria #RiseUp pic.twitter.com/IP1nX73PDH
— Irlandarra (@aldamu_jo) December 31, 2020
Работникот на крајот бил уапсен и обвинет за повеќе кривични дела. Според локалните медиуми, среќна околност е што инцидентот се случил во време кога погоните не работеле, а околу фабриката биле само службите за безбедност и одржување, така што немало повредени или жртви.
Точните мотиви на неговите постапки ќе бидат познати кога тој ќе се појави пред судија.
