По повод обележувањето на 100 години од основањето на Филозофскиот факултет во Скопје, Организацијата „Спона“ организира изложба и предавање, кое ќе биде одржано на 20 август во 20:00 на отворен и јавен простор – Сквер Јадран во центарот на Скопје.
Филозофскиот факултет во Скопје е отворен во 1920 година и долго време ја обединува интелектуалната сила на градот, по што прераснува во реномирана високообразовна институција.
Првите предавања на факултетот се одржани на 16 декември во 1920 година, а интересно е и тоа што на истиот датум е одржана настава и во 1946 година, кога Филозовскиот факултет повторно се отвара, откако бил затворен во годините на фашистичката окупација за време на Втората светска војна.
