Едно лице е тешко повредено во сообраќајна несреќа која вчера во 12:20 часот се случила на магистралниот пат Гостивар – Кичево.
– Ф.У. (51) од село Зајас, кичевско, управувајќи патничко возило „Застава Темпо“ со охридски регистарски ознаки, изгубил контрола над возилото, преминал на другата страна од коловозот и излетал во нива. Притоа, со тешки телесни повреди се здобил возачот Ф.У., на кого му била укажана лекарска помош во Медицински центар Кичево и бил задржан на лекување, информираат од полицијата.
Увид на местото на настанот извршила екипа од Полициската станица Кичево.
