Хроника 16. октомври 2018. / 11:12

Уапсен злосторникот кој си ја уби сопругата во Мала Речица

Уапсен злосторникот кој си ја уби сопругата во Мала Речица

Вчера попладне, во тетовското планинско село Гајре полицијата го пронашла и го лишила од слобода А.К.(53) од Мала Речица кој е осомничен дека смртно ја застрелал својата сопруга Х.К.(52), информираше портпаролот на СВР Тетово Марјан Јосифовски.

Според неговите податоци при апсењето кај А.К. биле пронајдени и одземени две парчиња огнено оружје – пиштол и ловечка пушка.

-Тој веднаш бил донесен во полициската станица во Тетово каде ќе биде задржан за понатамошна постапка, а во текот на утрешниот ден со соодветен поднесок тој ќе биде изведен пред судија во претходна постапка на Основниот суд Тетово, најави Јосифовски.

Осомничениот ја застрелал својата една година помлада сопруга додека била на гости кај нејзините родители во Мала Речица, а при излегувањето од куќата пукал и кон таксистот Р.Џ.(50) кој за среќа не го погодил по што со своето возило избегал и се уште не е достапен на органите на прогонот.