Секретарот во општина Арачиново вчера во 08.00 часот, пријавил дека за време на карантинскиот викенд, во периодот од 16.00 часот на 04 јуни до 08.00 часот на 8 јуни, непознат сторител извршил тешка кражба во општина Арачиново.
Според пријавеното, информираат денеска од МВР, сторителот со употреба на сила влегол во општината, а со дополнителен попис од одговорните лица во општината ќе биде утврдено дали нешто е одземено, по што ќе биде утврдена и причинетата материјална штета.
Се преземаат мерки за расчистување на случајот.
