Драган Димитровски, сведок кој во својство на „загрижен граѓанин“ бил присутен на седницата во општина Центар во 2013 година, на која се донесувале одлуки за ДУП-ови, не посочи ни еден од присутните на обвинителната клупа.
Тој раскажа во кое својство бил дента во општината и рече дека не препознава никој во судницата кои се обвинети за случајот. Исто така, сведокот рече дека додека траеле настаните околу општината, тој излегувал и влегувал во бараките и никој од толпата не го нападнал.
Сведокот кој како што рече пред судот бил „животно заинтересиран“ за ДУП-овите, потврди дека подоцна во 2016/17 бил вработен во ПОЦ.
