Сообраќајна несреќа се случила во 05:30 часот на автопат Скопје-Велес, во близина на патарина Петровец.
Патничко возило „Пежо-206“ со скопки регистарски ознаки, управувано од 25-годишниот М.С. од село Петровец, скопско, удрило во метален браник и жичана ограда.
Како што информираат од МВР возачот М.С. се здобил со повреди и со возило на Итна медицинска помош бил пренесен во Ургентен Центар при комплекс клиники „Мајка Тереза“ каде му била укажана лекарска помош и бил задржан на понатамошно лекување.
