Денес околу 10 часот, во близина на тетовската Клиничка болница се случил вооружена престрелка во која нема повредени лица, а причинета е само материјална штета. Куршумот кој бил испукан, завршил во автомобил кој бил паркиран во близина. Педесет и осумгодишниот тетовец Б.И. случајно се сретнал со М.И. (52) од Џепшиште и настанале расправии поради должничко доверителски односи.
По куса расправија, според првичните неофицијални сознанија на СВР Тетово, М.И. физички го нападнал Б.И, а овој тогаш извадил пиштол и испукал еден куршум со кој не го погодил, туку оштетил едно возило.
Б.И. приведен е и задржан во ПС Тетово, а пронајден е и одземен и п пиштолот со кој пукал. Обезбеден е и М.И., а на местото се врши увид
