Синоќа по полноќ во ноќен клуб на улицата „Коста Абраш“ во Охрид, влегол 25-годишен маж кој извадил нож, по што почнал да вика, соопшти полицијата.
Одговорниот во клубот го тргнал мажот пред објектот и се обидел да му го одземе ножот, при што бил повреден на вториот прст од левата рака.
МВР укажа дека дваесет и петгодишникот бил приведен во полициска станица и при алкотестирање, кај него била констатирана голема количина на алкохол во крвта.
