Tехничкиот премиер Оливер Спасовски денеска треба да се појави во Основниот кривичен суд во Скопје како сведок во предметот „ 27 април“. Покрај премиерот, за денешното рочиште е планиран уште еден сведок.
На рочиштето на 9 март техничкиот премиер не се појави како сведок бидејќи како што објасни судијата тој и сведокот Михајло Младеновски немале уредни покани. На минатото рочиште за „организаторите на 27 април“ беа сослушани првите двајца сведоци од листата предлози на Обвинителството за гонење организиран криминал и корупција.
Спасовски на 27 април кога се случија инцидентите беше пратеник во Собранието, а потоа стана министер за внатрешни работи.
