Две лица, коишто во товорно возило превезувале мигранти, направиле судар по што полицијата ги открила мигрантите.
Сообраќајката се случила на 31 октомври во 22часот на автопатот Гевгелија – Скопје, кај тунел во близина на Демир Капија, помеѓу патничко возило „ауди“ и товарно моторно возило „волво“, управувано од Г.С. (35) од Битола.
Полициски службеници излегле на местото на незгодата и во непосредна близина пронашле 14 мигранти од Авганистан, Пакистан и Ирак, кои изјавиле дека се превезувале со товарното моторно возило, а по незгодата возачот и совозачот го напуштиле местото на настанот.
Во незгодата, двајца мигранти се здобиле со повреди и биле пренесени во Медицински центар Кавадарци за укажување лекарска помош.
Се преземаат мерки за расчистување на настанот.
