Од сите четири дена од продолжениот полоциски час на подрачјето на СВР Велес, најмногу прекршувања имало синоќа и тоа 14, а од кои најголем дел на прекршителите девет биле на подрачјето на Велес, во Неготино четири и во Кавадарци само еден.
Бројот на лица во самоизолација во Велес денеска изнесува 65 лица.Во петокот биле 50, а во саботата останале само 18, во неделата пораснал на 39, а вчера се зголемил на 52 лица.
Ова е последица на зголемениот број на заразани од Ковид-19 изминатиот продолжен викенд, кога во саботата бројката во Велес се зголеми со 12 новозаразани, во неделата за уште тројца и вчера за плус уште еден новозаразен.Вкупно до вчера во Велес се регистрирани 59 заразени со Ковид-19.
