Мајката, чие дете дадилка го тепа на видео-снимка објавена од една скопска игротека, го однела детето на преглед во болница, а таму биле присутни и припадници на МВР односно инспектори за насилен криминал и одделение за имотни деликти и малотничка деликвенција.
Јавноста е згрозена откако се појави видео снимка на која се гледа како жена, за која се докажа дека е ангажирана да чува три деца како негувателка, тепа едно од децата. Настанот се случил денеска во игротека во кафе барот „Дежа ву“.
Мајката се заблагодарила на персоналот на ресторанот и им кажала дека од видеото видела дека се работи за нејзините три деца.
Видно вознемирена раскажала дека сопругот и работи во странство, а додека таа е на работа, ја ангажирала жената за да ги чува децата.
