Гевгеличанецот Н.В. (72) вчера во 13.25 часот во Полициската станица Гевгелија пријавил дека истиот ден околу 12.30 часот две непознати лица го измамиле и му одзеле 8.000 евра.
Како што соопшти МВР, двете лица, кои зборувале на српски јазик, му се доближиле и му побарале пари затоа што, како што рекле, имале проблем со реализација на чек во банка, а парите им требале како гаранција, за едниот од нив да може да оди на операција во Струмица.
Според пријавата, тие требале само да ги покажат парите на лекарот и потоа ќе му ги врателе. Откако им ги дал парите, тие заминале и не се вратиле.
Се преземаат мерки за пронаоѓање на сторителите и за целосно расчистување на случајот
