Крадците кои ограбија банкомат во Гостивар се приведени и против нив е поднесена кривична пријава.
СВР Тетово-Одделение за внатрешни работи Гостивар ја расчисти тешката кражба која на 1-ви минатиот месец беше извршена од банкомат, поставен во маркет во Гостивар и до Основното јавно обвинителство Гостивар поднесе кривична пријава против пет лица: М.А.(32) и Р.Р.(33) од скопско Долно Свиларе, Н.Р.(47) и А.Б.(36) од скопско Арачиново и против 24-годишната М.К. од Република Албанија.
Како што информира МВР, Н.Р. и А.Б. утринава се лишени од слобода, а Р. Р. издржува притвор за друго кривично дело.
Пријавените се сомничат дека со употреба на сила од банкомат одзеле 1,8 милиони денари.
Приведените со соодветен поднесок денеска ќе бидат изведени пред судија на претходна постапка во Основниот суд Гостивар.
