Припадник на МВР во последен момент ѝ побегнал на смртта, кога се симнал од автобусот на „Дурмо-турс“ пред тој да се преврти на автопатот Скопје-Тетово, пренесува Независен.
Полицаецот вчера попладне, по завршувањето на работната смена, се качил во автобусот што возел накај Гостивар, но се симнал набрзо зашто имало многу патници.
– Во автобусот имало многу луѓе, па колегата се симнал на патарината на излезот од Скопје. Влегол во автомобил на пријател и со него го продолжил патот кон Гостивар. – велат полицајци што беа на увидот кај Ласкарци, на местото каде што се случи несреќата.
