Градежен работник вчера паднал од скеле на третиот кат од објект во изградба во Штип. Несреќата се случила во населбата „8 Ноември“, од каде што работникот со повреди на нозете и ребрата бил пренесен во штиската клиничка болница, објави „ТВ Стар“.
Според извори на „ТВ Стар“, работникот не бил осигуран, а при сослушувањето газдата изјавил дека тој работник не го познава. Според него, тој на третиот кат од зградата се качил од љубопитност.
За несреќата информирани се полицијата, Трудовиот инспекторат и Јавното обвинителство.
извор: ТВСтар
