Вчера на подрачјето на селата Франгово, Мали Влај и Вишни, во струшкиот регион, Регионалниот центар за гранични работи – запад спровел акциска контрола за откривање сторители при нелегална сеча на огревно дрво.
Како што јави МВР, полициските службеници откриле и фатиле девет државјани на Република Албанија, од кои дел оствариле илегален влез, а дел легално влегле, но престојувале во земјава спротивно на целта на туристичкиот престој.
Од лицата биле одземени моторни пили. По документирање на настанот, против лицата ќе бидат преземени соодветни мерки.
