Деветнаесетгодишник без возачка превезувал мигранти со „мерцедес”, соопштуваат од Министерството за внатрешни работи.
-Вчера во 17.55 часот на автопатот Гевгелија-Скопје, на клучка село Миравци, полициски службеници забележале патничко возило „мерцедес“ со скопски регистарски ознаки, сопственост на Н.С. (61) од Скопје, а управувано од Е.И. (19) од Скопје (кој возилото го управувал без да се стекне со право за управување на возило), кое се движело со голема брзина. Во близина на тунелот и мостот на реката Вардар кај Демир Капија возилото застанало и од него излегле повеќе лица, по што продолжило со движење кон Демир Капија. Кога возилото се исклучило од автопатот било запрено од полициски службеници. На местото биле затекнати девет лица-мигранти, без документи за идентификација-велат од МВР.
Тинејџерот и мигрантите биле приведени во Полициска станица за понатамошна постапка. Се преземаат мерки за целосно расчистување на случајот.
