Регулаторната Комисија за енергетика секој понеделник врши промена на цените на горивата. Утре напаладне ќе бидат соопштени цените кои ќе важат од полноќ.
Малопродажната цена на бензинот ЕУРОСУПЕР БС-98 се зголему за еден денар за литар, додека малопродажните цени на бензинот ЕУРОСУПЕР БС-95, ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемија за 1,5 денари за литар.
Новата малопродажна цена на ЕУРОСУПЕР БС – 95 изнесува 60 денари за литар, ЕУРОСУПЕР БС -98 се продава за 61,5, ЕУРОДИЗЕЛ БС (Д-Е V) за 51, а Екстра лесното масло за домаќинство (ЕЛ-1) за 51 денари за литар.
Со одлуката на РКЕ за 1,384 денари за килограм се зголеми и малопродажната цена на Мазутот М-1 НС и изнесува 27,58 денари.
Во изминатиот седумдневен период сите референтните цени на светските берзи бележат зголемување: кај бензинот за 8,563 отсто, дизелот за 9,152, екстра лесното масло за 10,956 и кај мазутот 9,339 отсто. Во истиот период курсот на денарот во однос на доларот е понизок за 0,831 отсто.
