Според Филип Манојловски од Услужната комора на Македонија, засега транспортерите работат со преполовен капацитет. Загуби секојдневно бележат, но колкави ќе бидат тие ќе се знае по завршувањето на вонредната состојба.
– Проблемите со застојот на граничните премини и вадењето специјални дозволи за да не се оди 14 дена во карантин, полека се елиминира, велат од Услужната комора на Македонија.
Оттаму додаваат дека фокусот на увозот и извозот засега е ставен на неопходните продукти – прехраната и индустријата.
Според Манојловски, ако запрат со работа возачите на товарни возила кои сега се најизложени на ризик и се одговорни исто како докторите, полицијата, војската и медиумите, рафтовите во маркетите би останале празни, економијата би ризикувала застој, а фабриките би имале проблеми со дистрибуција на производите.
Во овој контекст напомена дека Царинската управа и царинските службеници мора да работат со полн капацитет, а Владата итно да ги донесе неопходните економски мерки, како продолжување на рокот за регистрација, како и посебни пунктови за тестирање од корона-вирус, бидејќи како што велат закажувањето преку матичен лекар им ја усложнува работата.
