Конечно се додели грантови од првиот јавен повик за финансирање мали и средни претпријатија од Планот за економски раст – 3. столб. Доделени се грантови во висина од 10.5 милиони евра, или 638 милиони денари, на 79 микро, мали и средни претпријатија кои аплицираа на првиот јавен повик за финансирање од Планот за економски раст.
Освен овие грантови, денеска во владата потпишавме и договор за државна помош со нова, странска инвестиција, американската компанија ‘Теламон’, а идната недела, в понеделник следува уште една странска компанија“ рече премиерот Заев.
Тој порача дека заложбите на Владата се еднакво помагање на домашните и странските инвестиции.Заев најави дека следува и втор инвестициски бран со обезбедени средства од Владата, за поддршка на компании кои аплицираа со своите квалитетни проекти за третиот столб од Планот за економски раст.
