Одземени се пет концесии за минерални суровини во околината на село Лабуништа за да се заштити здравјето на жителите и животната средина.
Како што соопшти министерот за економија, Крешник Бектеши, концесиите еднострано се раскинати, а сите концесионери имаат право во рок од 60 дена да достават барања до Министетството за други локации од истиот вид минерална суровина, но претходно ќе мора да се обезбедат и мислења од надлежните институции, вклучувајќи го и Министерството за животна средина.
За време на вонредната сотојба жителите на Лабуништа продолжија да доставуваат барања за одземање на концесиите, укажувајќи дека настанатата прашина при минирање, сепарирање и транспорт на минерални суровини значително им го нарушува здравјето – изјави Бектеши.
