Јагнињата од Дебар ќе бидат изнесени со возачи за кои ќе биде издадена посебна дозвола или со заштитен конвој на камиони, согласно протоколите на Министерството за здравство што се применуваат и за другите производствени капацитети на ова подрачје кое се наоѓа под кризна состојба и карантин.
Опција за јагнињата од Дебар е и изнесување преку штафетен утовар и истовар.
Претседателот на одгледувачите на овци „Даши“, Скендер Аме, пред три дена за МИА изјави дека околу 8.000 јагниња во Дебар, Центар Жупа и околните села, Могорче, Косоврасти и Отишани, се „заглавени“ поради карантинот и не може да бидат преземени од кланичарите.
