Вицепремиерката за економски прашања Мила Царовска во гостување во емисијата „Програма 200“ на Алсат телевизија изјави дека сетот здравствени и економски мерки што ги презеде Владата даваат резултати.
Економската криза не е тајна, таа се случува во светот, се случува и кај нас, но може да оцениме дека меѓународните финансиски институции, па и домашните институции се позитивни во проекциите, што укажува дека падот на приходите е помал од она најдрастично сценарио и дека БДП најмалку ќе падне во нашата држава во споредба со земјите во регионот, тоа го проектираше и Светската банка. Тоа покажува дека оние мерки што се димензионирани и во делот на здравствен протокол на заштита, но и во економска поддршка, даваат резултати – изјави Царовска.
Таа додаде дека производството во земјава не застанало, а не бил стопиран ниту увозот и извозот, туку се одвивал со намален интензитет.
Значи целосно затворање никогаш не направивме, а сепак здравствената криза не достигна одредена драматична бројка – оцени Царовска.
Поврзани вести
Љупчо Николовски и Костадин Костадинов ги има на избирачки список во Софија
Стојаноски до Костадинов: Ќе те тужам за ширење лажни вести, а парите од тужбата ќе одат за жртвите од бугарските фашисти
